സംസ്ഥാനത്തെ പാര്‍ശ്വവല്‍ക്കരിക്കപ്പെട്ട സമുദായങ്ങളിലെ വിദ്യാര്‍ഥികളെ
സമൂഹത്തിന്‍റെ മുഖ്യധാരയിലേക്ക് ഉയര്‍ത്തുകയെന്ന ലക്ഷ്യത്തോടെ പ്രവര്‍ത്തിക്കുന്ന
കേരള സര്‍ക്കാരിന്‍റെ കീഴിലുള്ള സ്വയം ഭരണ സ്ഥാപനമാണ് സെന്‍റര്‍ ഫോര്‍ റിസേര്‍ച്ച്
ആന്‍ഡ് എഡ്യുക്കേഷന്‍ ഫോര്‍ സോഷ്യല്‍ ട്രാന്‍സ്ഫോര്‍മേഷന്‍ (CREST). ദേശീയ തലത്തില്‍ത്തന്നെ അറിയപ്പെടുന്ന
സ്ഥാപനമാണിത്. സാമൂഹ്യ വ്യവസ്ഥയുടെ ക്രൂരതയില്‍ പകച്ച് നിന്ന് പോയ ജന വിഭാഗത്തിന്‍റെ
പിന്‍തലമുറയ്ക്ക് വേണ്ടിയാണി സ്ഥാപനം. വിദ്യാലയ കവാടങ്ങള്‍ തുറന്ന് കിട്ടിയപ്പോള്‍
അവര്‍ പഠിച്ച് ഉന്നത ബിരുദങ്ങള്‍ നേടി. എങ്കിലും പരമ്പരാഗതമായി സമ്പന്നതയുടെ,
സൌകര്യങ്ങളുടെ, സാമൂഹിക സ്വാതന്ത്ര്യത്തിന്‍റെ പിന്‍തുണയുമായി വളര്‍ന്ന്
വന്നവരുമായി ജോലിക്ക് വേണ്ടി മത്സരിക്കുമ്പോള്‍ പല പരിമിതികളും അവരെ പിന്‍പോട്ട്
വലിക്കുന്നു. പ്രത്യേകിച്ചും വന്‍ കിട സ്വകാര്യ സ്ഥാപനങ്ങളിലെ ജോലിക്ക്. ഉള്‍
വലിയല്‍, ആത്മ വിശ്വാസക്കുറവ്, ആശയം സംവേദനത്തിലെ പാടവക്കുറവ്, ഇവയുടെയെല്ലാം
ഫലമായുണ്ടാകുന്ന നെഗറ്റീവ് ചിന്ത, അപകര്‍ഷതാ ബോധം. ഇവ പല രൂപത്തിലും അവരെ തളര്‍ത്തുന്നു.
ഇവയില്‍ നിന്നൊക്കെയുള്ള മോചനമാണ് ലക്ഷ്യം. പ്രശസ്ത സാമൂഹ്യ ശാസ്ത്രജ്ഞനായ പ്രൊഫ.
ഡി ഡി നമ്പൂതിരിയാണ് തുടക്കം മുതലേ ഇതിന്‍റെ അമരക്കാരന്‍. 2002 ല്‍ തുടങ്ങിയ ഈ
സ്ഥാപന സെന്‍റര്‍ ഫോര്‍ എക്സലന്‍സ് എന്നറിയപ്പെട്ടു. 2007 ലാണ് ക്രസ്റ്റ്
എന്നറിയപ്പെട്ട് തുടങ്ങിയത്.
പ്രധാന പ്രോഗ്രാമുകള്‍
1.
Post Graduate
Certificate Course for Professional Development
5 മാസത്തെ
പ്രോഗ്രാമാണിത്. 40 പേര്‍ക്കാണ് പ്രവേശനം. 28 പട്ടിക ജാതിക്കാര്‍, 8 പട്ടിക വര്‍ഗ്ഗക്കാര്‍,
4 പിന്നോക്ക വിഭാഗക്കാര്‍ (ഒ.ഇ സി/ഒ.ബി സി) എന്നിങ്ങനെയാണ് സീറ്റ് വിഭജനം. ഡിഗ്രിയാണ്
പേരവേശന യോഗ്യത. ഡിഗ്രിയുടെ മാര്‍ക്കിന്‍റേയും അഭിമുഖത്തിന്‍റേയും
അടിസ്ഥാനത്തിലാണ് പ്രവേശനം. വ്യക്തിത്വ വികസനം, കമ്യൂണിക്കേഷന്‍, റീസണിങ്ങ്, ഐ ടി,
യോഗ, എയറോബിക്സ്, സ്ട്രെസ് മാനേജ്മെന്‍റ്, തീയേറ്റര്‍ പരിശീലനം എന്നിവയില്‍
പരിശീലനം നല്‍കുന്നു. തീയേറ്റര്‍ പരിശീലനം നല്‍കുന്നത് ശ്രീലങ്കയില്‍ നിന്നും ഡല്‍ഹിയില്‍
നിന്നുമുള്ള വിദഗ്ദരാണ്. പ്രതി മാസം 6000
രൂപ സ്റ്റെപന്‍റ് ഈ കോഴ്സിനുണ്ട്. 28 വയസ്സാണ് പ്രായ പരിധി.
2.
Orientation
Programme for BTech Students
ബി ടെക്
പ്രവേശന ലിസ്റ്റ് പുറത്ത് വരുമ്പോള്‍ അതിലുള്‍പ്പെട്ട പട്ടിക ജാതി – പട്ടിക വര്‍ഗ്ഗക്കാരെ
ക്ഷണിച്ച് വരുത്തി ഒരു മാസം തീവ്ര പരിശീലനം നല്‍കുന്നു. കമ്യൂണിക്കേഷന്‍,
വ്യക്തിത്വ വികസനം, ഗ്രാഫിക്സ്, മെക്കാനിക്സ്, ഗണിതം എന്നിവയിലാണ് പരിശീലനം. എഞ്ചിനിയറിങ്ങ്
കോളേജില്‍ മറ്റുള്ളവരോടൊപ്പം നില്‍ക്കുവാന്‍ ഇത് സഹായിക്കുന്നു എന്നാണ് മുന്‍കാല
അനുഭവം.
വയനാട്ടിലെ
ആദിവാസി സമൂഹത്തിന്‍റെ ഉന്നമനത്തിനായി പഠനം നടത്തി ‘വയനാട് ഇനിഷ്യേറ്റിവ്’ എന്ന
പദ്ധതി ഗവേഷണ വിഭാഗം രൂപപ്പെടുത്തിയിട്ടുണ്ട്.
മറ്റു പ്രത്യേകതകള്‍
എ സി അന്തരീക്ഷം, ഓരോ വിദ്യര്‍ഥിക്കും ഉപയോഗിക്കത്തക്ക വിധം കമ്പ്യൂട്ടര്‍,
ബന്ധപ്പെട്ട വിഷയങ്ങളിലെ പുതിയ പുസ്തകങ്ങള്‍, ഹോസ്റ്റല്‍ എന്നീ സൌകര്യങ്ങളുണ്ട്. ന്യൂഡല്‍ഹിയിലെ ഇന്ത്യന്‍ കൌണ്‍സില്‍ ഓഫ്
സോഷ്യല്‍ റിസേര്‍ച്ച് അവരുടെ സതേണ്‍ ചാപ്റ്റര്‍ ക്രസ്റ്റിലാണ് രൂപവല്‍ക്കരിച്ചിരിക്കുന്നത്.
സ്വീഡീഷ് സൌത്ത് ഏഷ്യന്‍ സ്റ്റഡീസ് നെറ്റ് വര്‍ക്കിന്‍റെ (SASNET) Erasmus Mundus Cooperation Window
programme ന്‍റെ അസോസ്സിയേറ്റ്
പാര്‍ട്ണര്‍ ആണ് ക്രസ്റ്റ്.
വിദേശ വിദ്യാര്‍ഥികള്‍ ഇവിടെ ഇന്‍റേണ്‍ഷിപ്പിന്
എത്തുന്നുണ്ട്. British Council,
and the United States-India Educational Foundation (USIEF) എന്നിവരുമായി
ചേര്‍ന്ന് ജോബ് വര്‍ക്ക്ഷോപ്പുകള്‍ നടത്താറുണ്ട്.
ഉയര്‍ന്ന
ശമ്പള നിരക്കില് പ്രശസ്ത സ്വകാര്യ സ്ഥാപനങ്ങളില്‍ ജോലിക്ക് കയറിയവരും വിദേശത്തേയും
ഇന്ത്യയിലേയും ദേശീയ സ്ഥാപനങ്ങളില്‍ പ്രവേശനം ലഭിച്ചവരുമായി ഏറെപ്പേര്‍ ഇതിന്‍റെ അലൂമിനിയിലുണ്ട്.
കൂടുതല്‍ വിവരങ്ങള്‍ക്ക്
Centre for
Research and Education for Social Transformation (CREST)
Chevayur, Calicut
Pin – 673 017 Kerala India.
Tel: + 91 495 2355342, 2351496
Fax + 91 495 2351496
Email: cex@dataone.in , crest.calicut@gmail.com
Website: http://crestcalicut.com/
No comments:
Post a Comment