ജിനോമിക്സ് – ജീവശാസ്ത്രത്തിലെ ഒരു അതി നൂതന പഠന മേഖല

ഗവേഷണ കുതുകികളായവര്‍ക്ക് ഏറ്റവും ഇണങ്ങുന്ന ഒന്നാണ് ജിനോമിക്സ് പഠനം. ഒരു കാലത്തെ ജനറ്റിക്സ് എഞ്ചിനിയറിങ്ങിന്‍റെ പരിഷ്കരിച്ച രൂപമാണ് ഈ പഠന ശാഖ.  ജീവശാസ്ത്രത്തിലെ ഏറ്റവും ആകര്‍ഷകമായ ഒരു പഠന ശാഖയാണിതെന്ന് പറയാം. 

എന്താണ് പഠിക്കുവാനുള്ളത്?

ജീനുകളെ വേര്‍തിരിക്കല്‍, തരം തിരിക്കല്‍, സൂക്ഷ്മാണു നിരീക്ഷണം, ഡി എന്‍ എ പരിശോധന തുടങ്ങിയവയൊക്കെ ഇവിടെ പഠന വിഷയങ്ങളാണ്. മോളിക്യുലാര്‍ സയന്‍സും, പ്രോട്ടോമിറ്റ്സും, ബയോഇന്‍ഫോര്‍മാര്റിക്സും, സെല്‍ ബയോളജിയുമെല്ലാം ചേര്‍ന്ന ഒരു ഇന്‍റര്‍ ഡിസിപ്ലിനറി പഠന ശാഖയാണിത്. 

ഗവേഷണ, ജോലി സാധ്യതകള്‍ എവിടെയെല്ലാം?

ഫോറന്‍സിക് ഗവേഷണം, രോഗപ്രതിരോധം, ഫാര്‍മസി എന്നീ മേഖലകളിലെല്ലാം തന്നെ ജിനോമിക് സയന്‍റിസ്റ്റുകളെ ആവശ്യമുണ്ടിന്ന്. സി എസ് ഐ ആര്‍ ഗവേഷണ കേന്ദ്രങ്ങള്‍, ടാറ്റാ ഇന്‍സ്റ്റിറ്റ്യൂട്ട് ഓഫ് ഫണ്ടമെന്‍റല്‍ റിസേര്‍ച്ച്, ബ്രയിന്‍ റിസേര്‍ച്ച് ഇന്‍സ്റ്റിറ്റ്യൂട്ട്, നാഷണല്‍ ഇന്‍സ്റ്റിറ്റ്യൂട്ട് ഓഫ് സെല്ലുലാര്‍ ആന്‍റ് മോളിക്യുലാര്‍ ബയോളജി തുടങ്ങി രാജ്യത്തിനകത്തെ നിരവധി കേന്ദ്രങ്ങളില്‍ ഗവേഷണം നടത്താമിന്ന്. സര്‍വകലാശാലകളിലും ഗവേഷണ സൌകര്യമിന്നുണ്ട്. 

എങ്ങനെ പഠിക്കാം?

ബി എസ് സി സൂവോളജി, ബോട്ടണി, ബയോകെമിസ്ട്രി, ജെനറ്റിക്സ്, കെമിസ്ട്രി, ബയോടെക്നോളജി എന്നിവ കഴിഞ്ഞവര്‍ക്ക് ജിനോസിക്സില്‍ എം എസ് സിക്ക് ചേരാം. തുടര്‍ന്ന് ഗവേഷണവും നടത്താം.

എവിടെ പഠിക്കാം?

1.       കേരളത്തിലെ കാസര്‍കോടിലുള്ള കേന്ദ്ര സര്‍വ്വകലാശാലയില്‍ എം എസ് സിക്ക് ചേരാം (http://cukerala.ac.in). എന്‍ട്രന്‍സ് ഉണ്ടാവും. 

2. മധുരൈ കാമരാജ് യൂണിവേഴ്സിറ്റിയില്‍ Integrated M.Sc-Ph.D കോഴ്സുണ്ട്. (http://mkuniversity.org)

3.      ജിവാലി യൂണിവേഴ്സിറ്റി ഗ്വാളിയാര്‍ (http://www.jiwaji.edu)

4. മൈസൂര്‍ യൂണിവേഴ്സിറ്റിയുടെ സെന്‍റര്‍ ഫോര്‍ ഹ്യൂമന്‍ ജെനറ്റിക്സ് (http://www.chg.res.in)

5.        CSIR-Institute of Genomics and Integrative Biology, Delhi (https://www.igib.res.in/)

6.      കര്‍പ്പാഗം യൂണിവേഴ്സിറ്റി കോയമ്പത്തൂര്‍ (http://www.karpagamuniversity.edu.in)

7.        കുരുക്ഷേത്ര യൂണിവേഴ്സിറ്റി ഹരിയാന (http://www.kuk.ac.in/)

8.  ഇന്‍സ്റ്റിറ്റ്യൂട്ട് ജെനറ്റിക് മെഡിസിന്‍ ആന്‍റ് ജിനോമിക് സയന്‍സ്, കൊല്‍ക്കത്ത (http://www.igmgs-india.com/)

9.        മഹര്‍ഷി ദയാനന്ദ് യൂണിവേഴ്സിറ്റി ഹരിയാന (http://www.mdurohtak.ac.in/)

നികുതിയെക്കുറിച്ചറിയാനൊരു കോഴ്സ് – ടാക്സേഷന്‍

നിത്യ ജീവിതത്തില്‍ നിരവധി നികുതികളുമായിട്ടിടപെടുന്നവരാണ് നാമെല്ലാവരും. എന്നാല്‍ ആധികാരികമായി ഇതിനെപ്പറ്റി അറിയാവുന്നവരാകട്ടെ ചുരുക്കവും. ഇവിടെയാണ് ഈ രംഗത്തെ പ്രഫഷണലുകളുടെ സാധ്യതയും. ഇന്ന് ബിസിനസ്സുകള്‍ ഏറിയതിനാല്‍ ഈ മേഖലയില്‍ അവസരങ്ങള്‍ക്ക് കുറവ് വരില്ല. സ്വന്തമായി കണ്‍സള്‍ട്ടന്‍സി നടത്തുകയുമാവാം.

എന്താണ് പഠന വിഷയങ്ങള്‍

ഇന്‍കം ടാക്സ്, സെയില്‍ ടാക്സ്, സെന്‍ട്രല്‍ എക്സൈസ്, സര്‍വീസ് ടാക്സ, വാറ്റ് നിയമങ്ങള്‍, പ്രോപര്‍ട്ടി ടാക്സ് എന്നിവയുടെ നിയമങ്ങളും നിയന്ത്രണങ്ങളുമാണ് പ്രധാന പഠന വിഷയങ്ങള്‍.  ഹെല്‍ത്ത് മാനേജ്മെന്‍റ്, ബിസിനസ്സ് എന്‍വിയോണ്‍മെന്‍റ്, കോസ്റ്റ് അനാലിസിസ്സ് ആന്‍റ് കണ്‍ട്രോള്‍, അഡ്വാന്‍സഡ് സ്റ്റാറ്റിസ്റ്റിക്കല്‍ അനാലിസിസ്, മാനേജേരിയല്‍ ഇക്കണോമിക്സ്, എന്‍ട്രപ്രണര്‍ഷിപ്പ് ആന്‍റ് സ്കില്‍ ഡവലപ്മെന്‍റ്, ഡയറക്ട് ആന്‍റ് ഇന്‍ഡയറക്ട് ടാക്സ് എന്നിവയും പഠന വിഷയങ്ങളാണ്.

എങ്ങനെ പഠിക്കാം

എം കോമിനാണ് ഈ വിഷയം പഠിക്കുവാനുള്ളത്. ചില സ്ഥാപനങ്ങള്‍ അഡ്വാന്‍സഡ് ടാക്സേഷന്‍ വിത്ത് അക്കൌണ്ടിങ്ങ് എന്ന പേരിലും കോഴ്സ് നടത്തുന്നുണ്ട്. എന്നാല്‍ പഠിക്കുന്ന സ്ഥാപനത്തില്‍ പ്ലേസ്മെന്‍റ് ഉണ്ടോയെന്ന് നോക്കേണ്ടതത്ത്യാവശ്യമാണ്. എം ഫില്‍, പി എച്ച് ഡി പഠന സൌകര്യങ്ങളുണ്ട്.

ജോലി സാധ്യതകള്‍

കയറ്റ്മതി ഇറക്ക്മതി കമ്പനികളില്‍ ടാക്സ് കണ്‍സള്‍ട്ടന്‍റ്, ടാക്സ് എക്സ്പേര്‍ട്ട്, എംപ്ലോയ്മെന്‍റ് ടാക്സ് സ്പെഷ്യലിസ്റ്റ്, ഓഡിറ്റര്‍, ടാക്സ് അസ്സോസിയേറ്റ്, എന്നീ നിലകളില്‍ പ്രവര്‍ത്തിക്കുവാന്‍ കഴിയും. കെ പി എം ജി, ഏണസ്റ്റ് ആന്‍റ് യങ്ങ്, പ്രൈസ് വാട്ടര്‍ ഹൌസ് കൂപ്പേഴ്സ്, ഔട്ട് സോഴ്സിങ്ങ് കമ്പനികള്‍ എന്നിവയിലെല്ലാം അവസരങ്ങളുണ്ട്. ഗവണ്‍മെന്‍റ് സ്ഥാപനങ്ങളിലും സാധ്യതകളുണ്ട്.

പ്രധാന സ്ഥാപനങ്ങള്‍

നിരവധി സ്ഥാപനങ്ങള്‍ ടാക്സേഷന്‍ പഠനത്തിന് അവസരമൊരുക്കുന്നുണ്ടെങ്കിലും പ്രധാന സ്ഥാപനങ്ങള്‍ താഴെപ്പറയുന്നു. 

1.      AISECT  University Bhopal  (www.aisectuniversity.ac.in)

2.      IIS University Jaipur  (www.iisuniv.ac.in/)

3.      M S University Vadodara  (www.msubaroda.ac.in/)

4.      St. Xaviers College Calcutta  (www.sxccal.edu)

5.      Aligarh Muslim University   (www.amu.ac.in)

6.      Jiwaji University Gwalliar  (www.jiwaji.edu/)

7.      Symbiosis International University Pune  (www.siu.edu.in)

പ്ലാന്‍റ് ജെനറ്റിക്സ് – ആധുനിക കാലഘട്ടത്തിന്‍റെ കരിയര്‍

കൃഷിക്ക് എറ്റവും അധികം പ്രാധാന്യമുള്ള ഈ കാലഘട്ടത്തില്‍ ഗവേഷണാഭിരുചിയുള്ളവര്‍ക്ക് തിരഞ്ഞെടുക്കാവുന്ന പ്രൊഫഷനാണ് പ്ലാന്‍റ് ജനറ്റിക്സിന്‍റേത്. 

 പഠന വിഷയങ്ങള്‍

കൂടുതല്‍ ഉല്‍പ്പാദനക്ഷമതയുള്ള വിത്തിനങ്ങള്‍ കണ്ടെത്തുക, ,ചെടികള്‍ വികസിപ്പിക്കുക, പ്രതിരോധശേഷിയുള്ള ചെടികളേയും വിത്തുകളേയും വികസിപ്പിക്കുക, സംരക്ഷിക്കുക ഇവയെല്ലാം ഇതില്‍ പഠന വിധേയമാക്കുന്നു,

എങ്ങനെ പഠിക്കാം

രണ്ട് രീതിയില്‍ ഈ മേഖലയിലേക്ക് കടക്കാം.  അഗ്രിക്കള്‍ച്ചര്‍മേഖലയിലെ ബിരുദ കോഴ്സുകള്‍ വഴിയെ ബയോളജിക്കല്‍ സയന്‍സിലെ പൊതുവായ ബിരുദം വഴിയോ ഈ മേഖലയിലെ ഉപരി പഠനത്തിലേക്ക് തിരിയാം. ബിരുദതലത്തില്‍ പ്ലാന്‍റ് ജനറ്റിക്സ് പഠിപ്പിക്കുന്ന ചില സ്ഥാപനങ്ങളെങ്കിലുമുണ്ട്. എന്നാല്‍ ബിരുട തലത്തില്‍ അഗ്രിക്കള്‍ച്ചറിന് ശേഷം പ്ലാന്‍റ് ജനറ്റിക്സ് എടുക്കുന്നതാണ് അഭികാമ്യം.  ബി എസ് സി അഗ്രിക്കള്‍ച്ചര്‍, ബി എസ് സി ബോട്ടണി, ബി എസ് സി ജെനറ്റിക്സ്, ബി എസ് സി ബയോടെക്നോളജി എന്നിവയാണ് മിക്ക കോഴ്സുകളുടേയും പഠന യോഗ്യത. പ്ലാന്‍റ് ജെനറ്റിക്സിന് ശേഷം പ്ലാന്‍റ് ബ്രീഡിങ്ങ്, മെഡിസിനല്‍ പ്ലാന്‍റ് ബയോടെക്നോളജി, അരോമാറ്റിക് പ്ലാന്‍റ് പ്ലാന്‍റ്സ് ബയോടെക്നോളജി പോലുള്ള മേഖലകളിലേക്കും മാറാവുന്നതാണ്. ഒട്ടേറെ വിദേശ പഠന ഗവേഷണ സ്കോളര്‍ഷിപ്പുകളും ലഭ്യമാണ്.

തൊഴിലസരങ്ങള്‍ എവിടെയെല്ലാം

വിത്തുല്‍പ്പാദന സംരംഭങ്ങള്‍, കാര്‍ഷികാനുബന്ധ വ്യവസായ സ്ഥാപനങ്ങള്‍, ജൈവ സാങ്കേതിക സ്ഥാപനങ്ങള്‍, ഔഷധ നിര്‍മ്മാണ ഉല്‍പ്പാദന സ്ഥാപനങ്ങള്‍, ഗവേഷണ സ്ഥാപനങ്ങള്‍, സര്‍വകലാശാലകള്‍, ഭക്ഷ്യോല്‍പ്പാദന യൂണിറ്റുകള്‍ തുടങ്ങിയവയിലെല്ലാം അവസരങ്ങളുണ്ട്.

സ്ഥാപനങ്ങളും കോഴ്സുകളും

1.       കേരള യൂണിവേഴ്സിറ്റി – എം എസ് സി പ്ലാന്‍റ് ബ്രീഡിങ്ങ് ആന്‍ഡ് പ്ലാന്‍റ് ജെനറ്റിക്സ് (http://www.keralauniversity.ac.in/)

2.       ഇന്ത്യന്‍ അഗ്രിക്കള്‍ച്ചറല്‍ റിസേര്‍ച്ച് ഇന്‍സ്റ്റിറ്റ്യൂട്ട് ഡല്‍ഹി – എം എസ് സി ജെനറ്റിക്സ് ആന്‍ഡ് പ്ലാന്‍റ് ബ്രീഡിങ്ങ്  (http://www.iari.res.in/)

3

  സാം ഹിഗ്ഗിന്‍ബോട്ടം ഇന്‍സ്റ്റിറ്റ്യൂട്ട് ഓഫ് അഗ്രിക്കള്‍ച്ചറല്‍, ടെക്നോളജി ആന്‍ഡ് സയന്‍സ്, അലഹബാദ് (http://www.shiats.edu.in/)

4.       യൂണിവേഴ്സിറ്റി ഓഫ് കൊല്‍ക്കത്ത  (http://www.caluniv.ac.in/)

5.       ചൌധരി ചരണ്‍സിങ്ങ് അഗ്രിക്കള്‍ച്ചറല്‍ യൂണിവേഴ്സിറ്റി,

           ഹരിയാന  (http://hau.ernet.in/)

1.